Nous Loys, cons et sire de Nuefchastel en la dyocese de Losene d’une part et Jehan d’Arberch, sire de Vaulengin, d’autre part, façons savoir a toutz que nous lidit Loys, cons
et sire de Nuefchastel, considerant et regardant la bone amour et presante dilection que li dit messire Jehan, sire de Vaulangin, nostre bien amei neps ha envers nous et plusours bons et agreables
services et honours a nous par lui faitz et auxi vuiliant et desirrant la ville de Vaulangin venir ad accressance, prosperitei et bon estat, avons donei et outroyé, donons et outroyons pour
nous, pour nostres hoirs et nostres successours a perpetuetei et sen jamais rapeller a nostre dit bien amei neveu, segnour de Vaulangin, pour lui, pour ses hoirs et pour ses successours, en accressance dou
fié qu’il tient de nous, dues feres, ensembles toutes lours conduites, dependences, droyz, fruitz, joances, et a–emolumantz emolumantDa correggere in: emolumant–a presantz et advenir quelx qu’ils soyent et puissent
estre, les queles dues feres se doyvent tenir dues fois et non plus chascun an en la ville de Vaulangin, deis queles chascune durait et doit durer par dus jours tant soulemant,
c’est assavoir li une le lundy lendemain de Penthecouste et le mardy prochainemant seguant et li autre le jour de feste s’saint Mathei apoustre qui est en septembre et le lendemain tant
soulemant par tel maniere que nostre dit neps sire de Vaulangin et suis hoirs et suis successours hayent et percevent sur toutes maniérés de gentz, exceptez les bourgeeis demorant ou
qui demourroyent au temps advenir en la ville de Vaulangin, eis dictes dues feres, teles ventes et tels droyz corne nous havons et percevons a nostres feres de Nuefchastel et que nostre
dit neps et li suens dessus nommez hayent la conduite et salvegarde des gentz alantz et venantz eis dites feres a Vaulangin, parsur sa terre, juridicion et segnyorie ensi come
ele s’extant en long et en large par tel custume, maniere et forme come li conduite de nostres feres de Nuefchastel est et a acustumei estre. Ce adjoustei eis chouses dessus dites que
nostes gentz de nostre terre qui orendroy sunt et qui seroyent au temps advenir soyent franches et quittes des dites ventes et droyz eis dites feres de Vaulangin par la maniere
que les gentz dou Vaulderruil de nostre dit neveu segnour de Vaulangin en sont quittes a nostres feres de Nuefchastel. Et auxi que li bourgeis demorant en la ville de
Vaulangin et qui y demourroyent ou temps advenir soyent francs et quittes des dites ventes et droyz eis dites feres de Vaulangin. Et je li dit Jehan d’Arbech,
sire de Vaulangin, confesse et en veritei recognyesse pour moy, pour mes hoirs et pour mes successours, les dites dues feres de Vaulangin, ensemble toutes lour conduites,
dependences, droyz, fruitz, joances et emolumantz presantz et advenir quelx qu’ils soyent a moy, pour moy et pour les miens dessus nommez estre donees et outroyés per
la maniere et condition dessus desclairiés par mon très cher segnour et uncle, le dit .. conte et segnour de Nuefchastel, pour lui, pour ses hoirs et pour ses successours en accressance dou fié
que je tien de lui et celes ay repris et tien de lui en accressance dou dit fié par la maniere, forme, charge et nature que les autres chouses dou dit fié sont et doyvent estre.
Promettantz, nous li dit cons et sire de Nuefchastel et Jehan d’Arbrech, sire de Vaulangin, pour nous et pour nostres hoirs et successours, ensemble et deviseemant, en tant come il
appartient a chascun de nous par nostres bones fois, toutes les chouses dessusdites fermemant tenir, garder et acomplir sen faire ou venir encontre, en aucune maniere, taisiblement
ne en apert. Et en tesmognage de toutes ces chouses, nous li dit cons et sire de Nuefchastel et li dit Jehan d’Arberch, sire de Vaulangin, avons mis nostre seels propres en
ce presant escript, li quel est doublei et doit chascun por se faire plene foi en toutz lieus et adès, des quelx nous li dit cons et sire de Nuefchastel havons un et je li dit
sire de Vaulangin ay l’autre. Donné a NuefchastelLuogo: , le huytieme jour dou moys de marc, l’an de grâce mil trois centz cincquante cincq.Data di origine: 8.3.1355 ()