SDS NE 1 11-1
Les sources du droit suisse, XXIe partie : Les sources du droit du canton de Neuchâtel, Tome 1 : Les sources directes, da Dominique Favarger e Maurice de Tribolet
Citazione: SDS NE 1 11-1
Licenza: CC BY-NC-SA
Concessions octroyées par Jean d'Aarberg à divers bourgeois de Valangin et confirmation
des anciennes franchises du bourg.
1362 dicembre 26.
Commento
Références originales de l'édition Favarger 1982 :
Copie non vidimée sur papier de la fin du XVe siècle, AEN, W 5, No 15.
Éd. Matile, MonumentsCorsivo, II, No 630, p. 846-848.
Remarque : Ces franchises sont concédées à 27 personnes nommément désignées dans l'acte ; en 1351 (AEN, P 8, No 6), Jean d'Aarberg fais a toutz jours maisCorsivo un de ses taillables et ses hoirs, mes bourgeois de Vaulangin par la maniere et par la condition que mes autres bourgeois dou bourg de VaulanginCorsivo.
Testo editionale
Nous Johan d’ArbergPersona: , sire de Valengin, chevallier, filz
cza en arriez Girar d’ArbergPersona: , sire de Valengin, façons scavoir
a tous que nous, pour nous et pour nous hoirs et pour nous
successours, volons de nostre certaine science a nous bourgoys cy
dedens nommeis faire grace exspiciaul, c’est assavoir [...]Mancante (13 )a ;
nous considerent maint et
agreables services avont largier et de grace expeciale
avons balliez et ballions, consentons et confermons par la tenour
de cest presentes, avons outroiez a noz devant dit bourgois,
pour leur et pour leur hoirs, a toujouir mais comme bien
desserviz teiles libertés et franchisses, lesquelx, nous ouz
nous hors ou nous prédécesseurs conjoentement et devisement
avons balliez az noz devant dit bourgoys habitant ou
lesquelx appertiront hibiter en nostre dit bourg de Valengin
et ouquelx les dit bourgois habitant en nostre dit bourg
usent et useront par quelque maniere que ce puisse
estre et que les devant dit nostre bourgois ou leurs hoirs ne
son tenuz par mentenent ne de cy en avant en nostre dit
bourg de Valangin faire nulle residence ne
demorance, ce n’est de leur volentez, et se par aventure
il convenoit ou temps avenir les devant dit nostre bourgoys ou leur
hors ou l’ung de leur en nostre dit bourg par aucons temps estre
contraint et residence par ceste maniere, non obstant residence,
li devant bourgois ou l’ung de leur ou leur hors ou l’ung de leur
en nostre dit bourg toutefois et quantes fois que leur plairoit
desfoir de nostre dit bourg en nostre terre quelque part que
leur plairoit faire mansion et residence, en quelque part
que feroient et feront leurs mansion en nostre dicte terre, [fol. 1v]Interruzione di pagina
il doivent joir et user des libertés et franchises ainsy
comme ly aultre bourgoys resident en nostre dit bourg, sans
aucones contradicion, non obstant sault et excestés es choses
permises et aucones de icelles condicion cy dedans escripte :
Premièrement c’est assavoir que li devant dit nostre bourgoys
ne leur hors ne l’ung de leur ne pohent ne doivent vendre
leur maisons que il on en nostre dit bourg de Valengin
ce n’est de nostre licence et de nostre loz exprest de nous
ou de nous sucessurs. Et au cas que aucons de leurs
de nos dit bourgoys ou leurs hors, li ung ou plussors
vendroient sa meison estant en nostre dit bourg, cil qu’il
la acheteraz a teille libertez et franchise comme estoit cil
qui l’avroit venduz devant ce qu’ilz le eust venduz ; et
cil qui l’avroit venduz demoure et soit de telle condicion,
estat comment sont mes bourgoys qui ne ont point de
meison en nostre dit bourg. Item se avenoit que aucons de noz devant dit bourgoys ou leurs hoirs, l’on
ou plusseurs de leurs ne heust hoirs de son corps maile
qui le sorvesquist ung ou pleuseurs et il eust fille legitime
une ou plusseurs qui le sorvesquit, celle dites filles, li
une ou plusseurs, se polvent marier a quii que leur plaira,
se les mary de celles filles, l’ung ou plussours, venoient
sur les héritages de noz devant dit bourgoys, pere des
dictes filles, l’ung ou plusseurs, et en qui il fisent personaille
residence ly mary, l’ung ou plusseurs, tant comme il seroit et
demoreroit sur ledit héritage, il doit user et joir eis
devant dictes libertés et franchisses, ainsy comme noz
devant bourgoys eis quelx ceste presente grace est
donnée et outroié, excepté cil qui seront de noz
hommes tallibles, le quelx demorent talliables ne
des devant dites libertés et franchises ne povent
ne devent user ne joir. Item que li devant dit
mes bourgoys ou leur hoirs sont tenuz az nous faire
une foys l’an a tourjour mais, cil qui aura beste a la
charue, la corvee a amener et charreyer nostre vin
de la coste de Neufchastel dedens nostre dit chastel
de Vaulengin. Item quantefois il nous appertiendra
a nous et a nous hoirs ou a nous successeurs singulerement ou conjuentement a faire per toute nostre terre
ouz Vault de Ruit aucons subside ou subvencion, ly
devant dit nostre bourgoys ouz hoirs sont tenuz a nous [fol. 2r]Interruzione di pagina
faire ledit subside, doivent gittier et assigner entre
leur, saint aultre, a chascon selom sa facultez et ausy
au grez de aultrez hommes et de nos aultre bourgoys, samt
fraud et sant barat. Item que toutes fois que nous, noz
hoirs ou noz successeurs contineura avoir guerre uverte,
les devant nostre dit bourgoys, necesserement le chief de
l’osteil ou ung aultre en luef de luy soffisant, sont et
devent venir demoreir et faire residence en nostre dit
bourg de Valengin durent nostre dite guerre, sam fraud et
sam barat, exceptez que nous leurs devons faire
assavoir et requirit dehuement huit jours devant ; et
aprest la denunciacion, il doivent et [sont] tenuz venir en
nostre dit bourg et enqui faire residence personnelle par la
maniere qu’est cy devant. Item toute fois et quante fois
qu’il appertenra a faire bastir terrault ou aultre edifice
en nostre dit bourg pour l’emender, ly devant nostre dits borgois
ou leur hors sont tenuz aidier ainsy comme nostre dit bourgois
resident en nostre dit bourg. Et ces choses devant dites,
libertés et franchisses a noz devant dit bourgoys, pour leurs
et pour leurs hoirs sus la condicion devant dite, b
auvons concessey et outroier et agreez par se presentes lettres
de grace expicial, ainsy comment devant dit est, c’est assavoir
pour dix huit livres de blanche monnoye corsaible, primant
en pain et vin en la ville de Neufchastel, a menu censaul
chescun am en la feste saint Gault, scellon le bons us et
custumes dudit Vault et pour cinquante florins de bom
or et de bom poix, le quelx pour la dite cause, concession,
libertés et franchisses devant dites de noz dit bourgoys,
confessons avoir eust entièrement. Promettant pour
ce nous le devant Johan d’ArbergPersona: , pour nous et
pour nous hoirs et pour noz successeurs, par nostre bonne fois
donnee leaument az noz devant dit bourgois et leurs hoirs
le chosse devant dites tenir et garder fermement et que
ycelles ne nous ferons venir taisiblement ne en appart
ne consenterons que aultre ne veigniet par quelque maniere que
se soit. En tesmoigniage de laquelle chose, nous Johan
d’ArbergPersona: dessudit, sire de Valengin pour estre le chosse
plus fermes et vraies avons mis nostre seel pendent
en cest presentes lectres que furent faictes et donnés le XXVI
jour dou mois de decembre l’an de Nostre Seigneur corant mil ccclx deulx.Data: 26.12.1362
Descrizione della fonte
Édition