Wir, der burgermeister und rath der statt ZürichLuogo: Organizzazione: , thuͦnd kundt offennlich mit disem brieff, das für unns kommen sind die unnsern uß den zweyen kilchspeln zuͦ MureLuogo: und VellandenLuogo: in unnser herrschafft GriffenseeLuogo: und haben an uns lassen langen, nachdem sy unnsern vögten und amptlüthen daselbs zuͦ GriffenseeLuogo: , welich wir dann je zuͦ zitten dahin setzen, etwas fuͦrung dahin unnd, so sy abziechen, wider da dannenn zetuͦn pflichtig syen, werden sy zu sölichem etwann zuͦ ziten von unnsern vögten wyter beladen unnd ersuͦcht, dann aber von altem herkommen sye, darumb sy an uns begert haben, inen unnser lüterunng und bescheid in versigelten schin zuͦ geben, damit sy wüssen mögen, was sy unnsern vögten zuͦ GriffenseeLuogo: in solichem schuldig sin söllten und sy ouch nit fürer, dann sy von recht pflichtig syen, beschwerdt werden.

Also in ansechen ir zimlichen bitt, besunders nachdem wir uns gestalt der dingenn und wie sollichs byßhar in bruch und übunng geweßen ist, erkunnet, so haben wir daruff erlüttert und gesetzt, setzen und ordnen ouch hiemit, das die unnsern obgenant uß den beruͤrten zweyen kilchspellemCorretto da: kilchspellena MureLuogo: undAggiunta al di sopra della rigab VellanndenLuogo: nun fürwathin einem vogt zu GriffenseeLuogo: , wellichen wir je zuͦ zitten dahin geben und setzen, so er uffzu̍cht, sinen gewonlichen hußrat und wes er zuͦ sinem hußhablichen wesen notturfftig ist und dartzuͦ brucht, dahin verttigen unnd ouch, diewyl er da ist, sin wyn, kern oder ander sin nottdurfft jaͤrlich hinuß füren. Und deßglich, so er abzücht, sollen sy im söllichs wider dadannen verttigen und harinc anntwurten. Aber so er dannen zücht, soͤllen sy nit gebunden sin, im höw, wyn, laden oder anders, so er da uss samlete, dann allein sin hußrat und hußgeschirr, so er zuͦ sinem gemeinen bruch ungefarlich gehept hat, harind zuͦ füren, geverd und arglist gantz ußgeslossen.

Und des zuͦ [fol. v]Interruzione di pagina erkanntnis, so haben wir unnser statt secret insigel offennlich thuͦn hencken an disen brieff, der geben ist uff mentag vor sannt MartißPersona: tag nach Cristi unnsers lieben herren gepurt viertzechenhundert achtzig und vier jareData di origine: 8.11.1484.